جاڵجاڵووکە تاڵ تاڵ، ماڵ دەچنێت و پیاو لە بیری خۆیدا ھەموو پازڵەکان جوانەکان یەکدەخات و ماڵێکی بچووکی پڕ لە جوانی لێدرووست دەکات.
تۆ سەر بە ھەموو کونج و کەلەبەری ماڵەکەدا دەکەی. خۆت لە ھەموو ئەو جوانییەدا دەبینیتەوەو دەستێک بە سەر و سمێڵی تاشراوتا دینیت.
خانم گسکێکی بە دەستەوەیە. دێت ماڵەکە بماڵێت بای گسکەکە ھەموو رەنگ و پازڵ و جوانییەکە لە گەڵ خۆی دەبات.
حیکایەتخوان ئەڵێت: خەریکە خۆیان ئەدات بە دەم باوە. خەریکە … .
تۆ دەست بە گۆشەی چاوتا دێنێت و چاو لە تەپ و تۆزی رووخانی ماڵە جاڵجاڵووکەیەکە دەکەیت و خانم ھەر گسک ئەدات.
