شار بە دووکەڵی جگەرەی گەورەکان رەش ھەڵگەڕاوە. ئەم رەش ھەڵگەڕانە ھەموو شتی رەش کردوە. رەش کردنێ کە ھەموو شتەکان بە رەش دەبینی. روخساری مرۆڤەکان، تابلۆی ھونەرمەندێکی کۆبیست، نامەی کچێکی ئەویندار، و… . ئا… ئا… باسم لە نامەی کچێکی ئەویندار کرد. ئەم رەش ھەڵگەڕانە تەنانەت عەشقی ئەوانیشی رەش کردوە. درزێکی سپی لە ناو ئەم ەرشستانەدا نابینرێت. ئەم رەشستانە روخساری ھەموومانی گۆڕیوە، وەک چۆن تۆپی مناڵێک دەگۆڕێت. ئەم گۆڕانە وای لێکردووین ھەموو بە خۆ و بە ھەموو کەس نامۆین. نامۆ بوونآ کە لە خۆمان، لە خودی خۆماندا گوم دەبین. گوم بوونێ کە دەمانباتەوە سەر ھەمان ئێوارەی چوارشەممە. ھەمان ئێوارەی چوار شەممە کە ھەموومان تێکڕاو بە یەکدەنگ نفرەتمان لە ھەموو رەنگەکان کرد جگە لە . . . .
